خلاص مسافر ..
مسافر مسافر
صحيت في يوم من الأيام .. حسيت اني ياعيني غريب
حسيت بغدر الصحاب .. و اللي افتكرته حبيب
و انا .. انا اللي ياما غنيت عالليالي
في الفرح موال و الجرح موال و الصبر موال
اصبح علادي الحال غريب اصبح انا غريب ..
غريب .. ولا حد جنبي قريب
قلت أسافر .. مسافر مسافر
و خايفة لما تسافر .. عالبلد الغريب
تنسى انك فايت في بلدك حبيب
مستني بأشواق .. تعبان ، تعبان م الفراق
و مولع لك شمعة .. نورها مستنيك
و ف عيونه دمعة .. امسحها بايديك
لما تجيني تاني .. م البلد الغريب
يومين و أسافر .. يمكن أقابل الصبر في سكتي
يمكن الاقي الراحة في غربتي
يومين و أسافر ..
كان نفسي أكون جنبك .. حبيبة من بلدك
تسهر على راحتك
تفرح لك في فرحك .. و تقاسمك في جرحك
و الهم تشيله عنك
لما تجيني تاني .. م البلد الغريب
يومين و أسافر .. يمكن أقابل الصبر في سكتي
يمكن الاقي الراحة في غربتي
يومين و أسافر ..
و خايفة تلاقي وردة .. تحلو ف عينيك
تنساني و تميل .. تقطفها بايديك
و تجرحك الأشواك .. و تتعذب هناك
اقطفها بايديا .. و ما تجرحش ايديك
سيب الجرح ليا .. و خلي الفرح ليك
بس ارجع لي تاني .. م البلد الغريب !! )
